Gujarati

ન્યૂઝીલેન્ડ ટુ ન્યૂ યોર્ક

નવા વર્ષનું સ્વાગત કરવા માટે ઊગતા સૂર્યનો દેશ, ‘લેન્ડ ઓફ ધ રાઈઝિંગ સન-જાપાન’તમને કેવો લાગે છે? કે ભારતમાં જ્યાં સૂર્યનાં કિરણો પ્રથમ પડે છે તે અરુણાચલ પ્રદેશ, એટલે કે, નોર્થ ઈસ્ટ તમને ઈશારો કરી રહ્યો છે? સૌથી છેલ્લે ઊગીને પણ દુનિયાની આગળ રહેતાભવ્ય- દિવ્ય અમેરિકાના ‘ન્યૂ યોર્ક’માં જવાનું ગમશે?કે એક દિવસમાં સૌથી પહેલું ન્યૂ ઈયર સેલિબ્રેશન ન્યૂ ઝીલેન્ડમાં કરીને ત્યાંથી યુએસએમાં જઈને ફરી એક વાર, એટલે કે, બે વાર ન્યૂ ઈયર સેલિબ્રેશન કરવાની તમને મજા આવશે?

મહારાષ્ટ્રમાં બધાં જ સ્થળે ઠંડીની શરૂઆત થઈ ગઈ છે એવું કહેવામાં કોઈ વાંધો નથી. ઠંડી શરૂ થઈ રહી છે તેથી હાશકારો થાય છે પણ લખલખું પણ ભરાય છે, કારણ કે હજુ હાલમાં જ શરૂ થયેલું નવું વર્ષ પૂરું થવા આવ્યું હોવાનું ભાન થાય છે. ક્યારેક ક્યારેક એક કલાક અથવા એક દિવસ પૂરો થતાં થતાં થતો નથી એવું મહેસૂસ થતું હોય ત્યારે વરસ જોકે તરત પૂરું થઈ જાય છે એ કોયડો ઉકેલાતો નથી. જાન્યુઆરીથી ડિસેમ્બરમાં પ્રથમ છ મહિના કામના અને આગળના ઉત્સવના એવી જ કાંઈક પરિસ્થિતિ આપણે ત્યાં હોય છે. ગણપતિ, દશેરા અને હવે દિવાળી પણ પૂરી થઈ ગઈ. આપણા દરેક ઉત્સવ અમારા પર્યટન ક્ષેત્રમાં પીક સીઝન હોય છે, કારણ રજા છે. દિવાળીની રજા એટલે સમર વેકેશન પછીની મોટી સીઝન પર્યટકો માટે, પર્યટન સંસ્થાઓ માટે, હોટેલ ઈન્ડસ્ટ્રી માટે અને એરલાઈન્સ માટે. આ વર્ષે દિવાળીમાં બધાં સ્થળે પર્યટકોનાં મહાપૂર આવ્યાં હતાં. કાયમ કરતાં વધુ ગિરદી દરેક પર્યટન સ્થળે અનુભવવી મળી હતી. આમ છતાં અમે રજાઓ ઉપરાંતના સમયગાળામાં બધાં જ સ્થળે પ્રમોશનલ પ્રાઈસમાં પર્યટન ઘડીને આ ગિરદીમાં થતો ઉમેરો ઓછો કરવાનો પ્રયાસ કરીએ છીએ. આજે પણ મારો આગ્રહ એવો હોય છે કે શક્ય હોય તેઓ પીક સીઝન છોડીને સહેલગાહ પર ચાલો પૈસાની બચત કરો અને શાંતિથી પર્યટન સ્થળનો આનંદ લો. એકંદરે પર્યટન વૃદ્ધિ પામી રહ્યું છે તેવું પળે પળે મહેસૂસ થઈ રહ્યું છે. એક વર્ષમાં બે નહીં પણ કમસેકમ ત્રણ વાર હોલીડે પર જનારા પર્યટકોની સંખ્યા વધી રહી છે. પર્યટકો એકસાથે ત્રણથી પાંચ સહેલગાહ બુક કરતાં દેખાય છે. બે વર્ષ પૂર્વે પાંચસો અને હજારની નોટો બંધ થયાના સમાચાર સર્વત્ર ચમક્યા પછી એક પત્રકારે પૂછ્યું હતું કે, ‘તેનું પર્યટન વ્યવસાય પર પરિણામ થશે એવું તમને લાગતું નથી?’ મેં કહ્યું, ‘બિલકુલ નહીં, કારણ કે સરકારે બહુ અગાઉથી પેન કાર્ડ નંબર લીધા વિના કેશ આપવાની નથી તેવું જાહેર કર્યું હતું. આથી બધાને આદત પડી ગઈ છે. આ જ રીતે ઓનલાઈન ટ્રાવેલ ઈન્ડસ્ટ્રી સર્વત્ર ફૂલોફલી રહી છે તેથી જ તો કેશ ટ્રાન્ઝેકશનનો પ્રશ્ર્ન જ નથી. મને ગર્વથી કહેવાનું મન થાય છે કે પર્યટન ક્ષેત્ર બાય એન્ડ લાર્જ ક્યારેય કાળાં નાણાંને આધારે ચાલ્યું નથી.’ હવે બે વર્ષ પછી પર્યટન વધુ વધશે. પૈસા સંગ્રહ કરવા કરતાં પર્યટન જેવા વ્યક્તિત્વ સમૃદ્ધ કરનારી બાબત પર ખર્ચ કરવા તરફ ઝોક વધી રહ્યો છે. અથવા, આજે મેં ઉત્સવી પર્યટન સંબંધી લખવા માટે કલમ હાથમાં લીધી છે, કારણ કે ટૂંક સમયમાં જ વધુ એક રજાનું બહાનું પર્યટકો માટે આવી રહ્યું છે, જે અમારા માટે પણ છે, જે છે ‘ન્યૂ ઈયર સેલિબ્રેશન.’‘દરેક ઉત્સવમાં પર્યટન શોધો અથવા દરેક પર્યટનનું ઉત્સવીકરણ કરો’ એ વનલાઈન સ્ટ્રેટેજી છે. અમારી પ્રોડક્ટ ડિઝાઈનિંગ ટીમ તેમ જ ડેસ્ટિનેશન મેનેજમેન્ટ ટીમ પ્રયાસ કરી રહી છે તે સર્વત્ર કઈ રીતે શક્ય કરી શકાશે.

ન્યૂ ઈયર સેલિબ્રેશન દરેક ધર્મ માટે અલગ છે. જુઓને, આપણો વિચાર કરીએ તો હિંદુ કેલેન્ડર પ્રમાણે આપણે ‘ગૂડી પડવા અને દીપાવલી પડવા’ એમ બે વાર એકબીજાને હેપ્પી ન્યૂ ઈયર કરીએ છીએ. ચૈત્ર મહિનાનો પહેલો દિવસ અનેક રાજ્યોમાં ન્યૂ ઈયર તરીકે સેલિબ્રેટ કરવામાં આવે છે. ક્યાંક ગૂડી પડવા તરીકે તો ક્યાંક તેને આપણે ‘ઉગાડી’ કહીએ છીએ. આસામમાં એપ્રિલના મધ્યમાં ‘બિહૂ’ નામે નવા વર્ષનો દિવસ હોય છે. તમિલનાડુમાં ‘પુથંડુ’ નામે નવા વર્ષનો દિવસ અને કેરળમાં ‘વિશૂ’ આ જ સમયે ઉજવણી કરવામાં આવે છે. આ જ રીતે પંજાબમાં ‘બૈસાખી’ અને બંગાળમાં ‘પોઈલા બૈશાખ’ છે. સામાન્ય રીતે સમય તે જ છે, પરંતુ અલગ અલગ પદ્ધતિથી આપણા ભારતમાં ન્યૂ ઈયર ઉજવણી કરવામાં આવે છે.

ભારતની બહાર વિચાર કરીએ તો ઈન્ડોનેશિયામાં એક સેલિબ્રેશન ઈસ્લામિક ન્યૂ ઈયર પ્રમાણે અને બીજું એક જાન્યુઆરીમાં થાય છે. ચાયનીઝ લોકોનું ન્યૂ ઈયર જાન્યુઆરી- ફેબ્રુઆરીમાં આવે છે. પર્યટન ક્ષેત્રમાં ‘ચાયનીઝ ન્યૂ ઈયર’ આખી દુનિયાનું ધ્યાન કેન્દ્રિત કરે છે, કારણ કે વર્ષમાં સાડાનવ કરોડ ચાયનીઝ પર્યટકો ચાયનામાંથી વિદેશમાં પર્યટન માટે બહાર નીકળે છે, તેમાંથી વધુમાં વધુ ‘ચાયનીઝ ન્યૂ ઈયર’ એટલે કે તેમની મોટી રજાના સમયે નીકળે છે. તેથી આ સમયે દુનિયામાં બધાં પર્યટન સ્થળે ગિરદી હોય છે. રેટ્સ વધેલા હોય છે. અમુક પર્યટનસ્થળે તો અમને આ ચાયનીઝ ન્યૂ ઈયરનો સમયગાળો જ બાદબાકી કરવો પડે છે. રશિયામાં વધુમાં વધુ લોકો જુલિયન કેલેન્ડર પ્રમાણે 14 જાન્યુઆરીના ન્યૂ ઈયર સેલિબ્રેટ કરે છે. આપણી સંક્રાંત- ઉતરાણ સાથે તેનો સંબંધ કદાચ હોઈ શકે છે. થાઈલેન્ડમાં એપ્રિલમાં ‘સોંગક્રાન’ નામે બુદ્ધિસ્ટ સેલિબ્રેશનના ત્રણ દિવસ એકબીજાના શરીર પર પાણી ઉડાવીને, ચહેરા પર સફેદ રંગ અને લોટ લગાવીને સેલિબ્રેટ કરવામાં આવે છે. કોરિયામાં ન્યૂ ઈયર એકથી ત્રણ જાન્યુઆરી ત્રણ દિવસ દરમિયાન સેલિબ્રેટ કરવામાં આવે છે. ઈઝરાયલી લોકો સપ્ટેમ્બર અથવા ઓક્ટોબરમાં દસ દિવસનો ન્યૂ ઈયરનો ઉત્સવ કરે છે. જાપાનમાં અગાઉ ચાયનીઝ લુનાર કેલેન્ડર પ્રમાણે ન્યૂ ઈયર સેલિબ્રેશન થતું હતું, પરંતુ અઢારસો તોત્તેર પછી તેમણે તે બદલીને એક જાન્યુઆરીથી આ દિવસ ન્યૂ ઈયર સેલિબ્રેશન માટે લીધો. ચાયનીઝ ન્યૂ ઈયરની તારીખ દર વર્ષે બદલાય છે અને તેથી દેશનું આખું શિડ્યુલ પણ. સિસ્ટમેટિક જાપાનને દુનિયાની આગળ રહેવા માટે દર વર્ષે બદલાતી ચાયનીઝ ન્યૂ ઈયરની તારીખ પલ્લે પડી નહીં હોય તેથી વ્યવસ્થાપનની દષ્ટિથી તેમણે તે બદલી હોવી જોઈએ. અથવા, ન્યૂ ઈયર સેલિબ્રેશનની અનેક આગવી પદ્ધતિ દુનિયામાં છે.

ન્યૂ ઈયર સેલિબ્રેશનની અનેક આગવી પદ્ધતિઓ દુનિયામાં છે. ફિલિપિન્સમાં ગોળ ફળો ખાવામાં આવે છે અને પોલકા ડોટ્સવાળાં કપડાં પહેરવાની પદ્ધતિ છે. અમેરિકામાં ‘જે થયું તે ભૂલી જાઓ’ કહેતું નીયર એન્ડ ડિયર સાથે ‘ન્યૂ ઈયર મિડનાઈટ કિસ’ બહુ પોપ્યુલર છે. આયર્લેન્ડમાં બેડલક ભાગી જાય અથવા છોકરીનાં લગ્ન નહીં થાય તો તેને સારો વર મળે તે માટે ન્યૂ ઈયરમાં તકિયાની નીચે મિસલટો નામે વિશિષ્ટ પાન ન્યૂ ઈયર સેલિબ્રેશન સમયે રાખવાની પરંપરા છે. ડેન્માર્કમાં થોડી અલગ પદ્ધતિ છે. ઉપયોગ કરેલી જૂની પ્લેટ્સ મિત્રોના અથવા પાડોશીના ઘરના દરવાજાની બહાર રાખવાની, જેના દ્વારા તેમના પ્રત્યે અગાઉથી રહેલો પ્રેમ અને આદરભાવ નવા વર્ષમાં વૃદ્ધિ પામે એવી મનોકામના કરવાની તેમ જ આ ડેનિશ લોકો ઊંચાઈ પરની જગ્યા શોધે છે અને ત્યાંથી ઉડી મારે છે, એટલે કે, તેમણે નવા વર્ષના જાન્યુઆરીમાં પ્રવેશ કર્યો. જર્મનીમાં દર વર્ષે ‘ડિનર ફોર વન’ નામે શો જોવાની પદ્ધતિ છે. ટર્કી એટલે કે તુર્કસ્થાનમાં ગરીબ અભાગિયા લોકો માટે નાણાં જમા કરવામાં આવે છે, જેથી આગામી વર્ષ બધા જ ખુશીથી રહી શકે. ચિલીમાં વીસ- પચીસ વર્ષથી ચાલી આવતી પરંપરા છે, જેમાં રાત્રે 11 વાગ્યે સ્મશાનમાં જઈને પોતાના દિવંગત સ્વજનો સાથે ન્યૂ ઈયર સેલિબ્રેેટ કરવામાં આવે છે. મેક્સિકોમાં તો તેથી પણ ગજબનો પ્રકાર છે. ત્યાં ન્યૂ ઈયરમાં કલરફુલ અંડરવેર્સ પહેરવામાં આવે છે. લક જોઈતું હોય તેઓ પીળા રંગનાં એડરવેર પહેરે છે. ખરેખર, આ નવલી નવાઈ જ છે. સ્કોટલેન્ડમાં ગામેગામ બોનફાયર સેલિબ્રેશનમાં લોકો માથા પર ફાયરબોલ લઈને સરઘસ કાઢે છે. આ ફાયરબોલ એટલે સૂર્ય છે… જે આવનારું નવું વર્ષ એકદમ પ્રકાશમય, પ્રફુલ્લિત અને ઉલ્હાસિત કરશે એવી ભાવના છે. પનામામાં લોકો સેલિબ્રિટીઝ અને પોલિટિશિયન્સના સ્ટેચ્યુઝ બનાવીને તે બોનફાયરમાં બાળે છે. આવું કરવાથી નવા વર્ષની શરૂઆત એકદમ ‘ફ્રેશ સ્ટાર્ટ’ સ્વરૂપમાં થાય છે એવું માનવામાં આવે છે. સ્પેનમાં લોકો એકત્રીસ ડિસેમ્બરની મધરાત્રે, એક જાન્યુઆરી શરૂ થતી હોય ત્યારે બારના દરેક ટકોરે એક એવી બાર દ્રાક્ષ ખાય છે, જેનાથી નવા વર્ષમાં ચોક્કસ ગૂડલક આવે છે એવું કહેવાય છે. જાપાન કોરિયામાં બુદ્ધિસ્ટ ટેમ્પલમાં જઈને એકસો આઠ વખત બેલ વગાડવાની પદ્ધતિ છે, જેનાથી માનવીમાંની બધી નેગેટિવિટી નીકળી જાય છે. આ જ રીતે રાત્રે સોબા નૂડલ્સ ખાવાની પદ્ધતિ છે અને તે ખાતી વખતે નૂડલ તૂટવી નહીં જોઈએ એવો પ્રયાસ હોય છે. લાંબીલચક નૂડલ સ્ટ્રિંગ મોટું આયુષ્ય આપે છે એવી સમજ છે. રોમાનિયામાં લોકો રીંછનો ડ્રેસ કરીને ઘેર ઘેર ફરે છે, જેથી દરેક ઘરના એવિલ સ્પિરિટ્સ ભાગી જશે અને નવું વર્ષ સુખી- સમૃદ્ધ નીવડશે. ખાઉધરા લોકો ન્યૂ ઈયર સેલિબ્રેશન કરવા માટે ઈસ્ટેનિયાના ટેલિન બાજુ કૂચ કરે છે, કારણ કે અહીં એકત્રીસ ડિસેમ્બરની રાત્રે સાત, નવ અથવા બાર વખત જમવાની પદ્ધતિ છે. બાર વખત જમવું તે સૌથી લકી હોય છે, કારણ કે તેટલા લોકોની શક્તિ તમારી અંદર આવે છે એવું મનાય છે. અથવા, પ્લેટમાંનું બધું ખતમ કરવાનું ફરજિયાત નથી. બચેલું અન્ન મૃતાત્માઓ અપાય છે, જેથી તેઓ પણ ખુશ રહે છે એવી માન્યતા છે. બ્રાઝિલમાં સમુદ્ર પર જઈને સાત લહેરો પર ઊડી મારવાની પરંપરા છે, જેને લીધે ગૂડલક આવે છે. સાઉથ આફ્રિકામાં જોહાનિસબર્ગમાં લોકો ઘરમાં નહીં જોઈતું ફર્નિચર અને વસ્તુઓ બારીમાંથી બહાર ફેંકી દે છે. તેનાથી છુટકારો કરે છે. ઘરની સાફસફાઈ કરીને વાતાવરણ પ્રસન્ન કરે છે. સાઉથ અમેરિકન ટ્રેડિશનમાં લોકો મોટી ખાલી બેગ લઈને ચાલે છે, જેને ‘સૂટકેસ વોક’ કહેવાય છે, જે દર્શાવે છે કે આવનારું વર્ષ ફુલ ઓફ એડવેન્ચરનું હશે. અમારી ‘બેગ ભરો, નિકલ પડો’ ઝુંબેશ જેવું તો નથી ને? ચાયનામાં શક્તિનું પ્રતીક ડ્રેગન આખું વર્ષ આમ તો સુસ્તીમાં હોય છે. તેને જાગતો રાખવા માટે ન્યૂ ઈયરના સમયે ફટાકડા ફોડીને અવાજ કરવામાં આવે છે. ઓસ્ટ્રિયામાં પાણીમાં ગરમ શીશું નાખવામાં આવે છે અને તેને શેપ આવે તે પ્રમાણે આવનારા વર્ષમાં જીવનમાં શું શું બનવાનું છે તેનો અંદાજ બાંધવામાં આવે છે. દેશ કોઈ પણ હોય, ભાગ્ય- ભવિષ્ય આ બાબતો ફરતે ફરે છે તે નિશ્ર્ચિત છે.

ન્યૂ ઈયર સેલિબ્રેશનની દુનિયાની મોસ્ટ પોપ્યુલર જગ્યા એટલે ન્યૂ ઝીલેન્ડની કેપિટલ ઓકલેન્ડ- સ્કાય ટાવર અને ત્યાંનું ફાયર વર્કસ, ઓસ્ટ્રેલિયામાંનું સિડની હાર્બર. કેનેડામાં લોકો એકત્ર આવે છે નાથાન ફિલિપ્સ સ્ક્વેરમાં. બ્રાઝિલમાં રિયો દી જાનેરાનું કોપાકબાના બીચ, ન્યૂ યોર્કનું ટાઈમ્સ સ્ક્વેર અને ત્યાંનું ફેમસ બોલ ડ્રોપ, પેરિસના આયફેલ ટાવરનું મેજિકલ ફાયર વર્કસ અને સ્ટ્રીટ ડાન્સ, લંડનમાં થેમ્સ નદીના કાંઠે બિગ બેન સામેનો લાઈટ શો, હોંગકોંગનું ટાઈમ્સ સ્ક્વેર અને ત્યાંની મોસ્ટ ફેમસ ડેઝલિંગ સ્કાયલાઈન, થાઈલેન્ડનું સેન્ટ્રલ વર્લ્ડ સ્ક્વેર, દુબઈનું સુપ્રસિદ્ધ ફાયર વર્કસ, સિંગાપોરનું મરીના બે… આમ અનેક સ્થળો તેમના અનોખા ચાર્મથી દુનિયાભરના પર્યટકોને ઈશારો કરે છે.

અમે ન્યૂ ઈયરમાં અલગ અલગ સ્થળે પર્યટકોને લઈને જતાં હોઈએ છીએ. દરેક સ્થળે ત્યાંની સુવિધા અનુસાર અલગ અલગ પદ્ધતિથી નવા વર્ષનું સ્વાગત કરવામાં આવે છે. ઉપર અનેક ઓપ્શન્સ આપ્યા છે તેમાંથી તમારું મનગમતું સ્થળ નક્કી કરો અને કરો નવા વર્ષનું સ્વાગત એકાદ હટકે સ્થળે. તમે ગ્રુપ ટુર લઈ જઈ શકો છો અથવા અમારી કસ્ટમાઈઝ્ડ હોલીડે ટીમ પાસેથી જોઈએ તેવી હોલીડે બનાવડાવી શકો છો. સો ચાલો, આખિર સાલ મેં એક હોલીડે તો બનતા હી હૈ.

Leave a Comment

Your email address will not be published. Required fields are marked *

*